Müxalif qəzetdə baş redaktor seçkisi
Rusiyanın əsas müxalif nəşri olan “Novaya qazeta”ya yeni baş redaktor seçilib. Novator.az-ın məlumatına görə, redaksiyada noyabrın 17-də keçirilən səsvermədə Sergey Kojeurov qalib gəlib.
Redaksiya nizamnaməsinə əsasən, baş redaktor iki ildən bir seçilir. 17 noyabr seçkisində baş redaktor postuna daha iki namizəd olub. Sergey Kojeurov 92 əməkdaşın səsini qazanıb.
64 yaşlı Sergey Kojeurov “Novaya qazeta”nın yaradıcılarından biridir. 1995-ci ilə qədər bu qəzetin ilk baş redaktoru olub, sonra icmalçı vəzifəsində çalışıb.
Səidə Hüseynova
