Doğum və ölüm, nikah və boşanma
Dövlət Statistika Komitəsi demoqrafik vəziyyətlə bağlı hesabat yayıb.
Novator.az-ın məlumatına görə, hesabatda bildirilir ki, 2017-ci il oktyabr ayının 1-nə Azərbaycanın 9 milyon 875 min 273 nəfər əhalisi olub.
Əhalinin 49,9 faizi kişi, 50,1 faizi qadındır. Hər 1000 kişiyə 1006 qadın düşür.
Hesabata əsasən, Ədliyyə Nazirliyinin qeydiyyat şöbələri yanvar-sentyabr aylarında 107459 doğulan qeydə alıb. Körpələrin 53,1 faizi oğlan, 46,9 faizi qızdır.
9 ay ərzində 43089 nəfərin ölümü rəsmiləşib.
Qeydiyyat şöbələri 9 ayda 47388 nikah, 10977 boşanma qeydə alıb.
Daxili İşlər Nazirliyi və Dövlət Miqrasiya Xidmətinin Azərbaycana daimi yaşamaq üçün gələn 2299 nəfəri, Azərbaycandan gedən 1377 nəfəri qeydə aldığı, miqrasiya saldosunun müsbət 922 nəfər olduğu bildirilir.
