Son möhürü Peru vurdu
2018-ci ilin iyun-iyul ayları Rusiyada keçiriləcək dünya futbol çempionatının son iştirakçısı bəlli olub. Noyabrın 15-də Yeni Zelandiyanı qəbul edən Peru 2:0 hesabı ilə qalib gələrək 1982-ci ildən bəri ilk dəfə final raunduna çıxıb. İlk oyunda hesab açılmamışdı.
Novator.az dünya çempionatında oynayacaq 32 komandanın siyahısını təqdim edir:
Avropa – Rusiya, Fransa, İsveç, Portuqaliya, İsveçrə, Almaniya, Serbiya, Polşa, Danimarka, İspaniya, İngiltərə, Belçika, İslandiya, Xorvatiya;
Afrika – Tunis, Nigeriya, Mərakeş, Seneqal, Misir;
Asiya – İran, Cənubi Koreya, Yaponiya, Səudiyyə Ərəbistanı, Avstraliya;
Cənubi Amerika – Braziliya, Uruqvay, Argentina, Kolumbiya, Peru;
Şimali və Mərkəzi Amerika – Meksika, Kosta Rika, Panama.
