Prezident: “Azərbaycan ancaq və ancaq irəli gedəcək”
“Biz 2017-ci ili bütövlükdə iqtisadi, sosial, beynəlxalq siyasət sahələrində yaxşı nəticələrlə, uğurlarla başa vururuq. Bir daha göstəririk ki, Azərbaycanda inkişaf dayanıqlıdır və uğurludur”. Prezident İlham Əliyev noyabrın 16-da Abşeron Olimpiya İdman Kompleksinin açılışı zamanı ictimaiyyət nümayəndələri və idmançılarla görüşərkən belə deyib.
Dövlət başçısı vurğulayıb: “Növbəti illərdə Azərbaycan ancaq və ancaq yüksək sürətlə, böyük uğurlarla irəliyə gedəcək. Qarşıda duran vəzifələr hələ çoxdur. Biz bütün problemləri, insanları narahat edən məsələləri həll etməliyik. Həm Bakının, həm böyük şəhərlərin, ən xırda kəndin də problemi diqqət mərkəzində olmalıdır”.
Abşeron Olimpiya İdman Kompleksi ölkədə sayca 42-ci olimpiya idman kompleksidir.
