Nazirlik müraciətlərin 76,6%-ni müsbət həll edib
Vergi orqanlarına 2017-ci ilin oktyabr ayında daxil olmuş vətəndaş müraciətlərinin hesabatı açıqlanıb. Novator.az-ın məlumatına görə, Vergilər Nazirliyi bildirir ki, ötən ay vergi orqanlarına 8920 müraciət daxil olub, onların 89,9%-i ərizə, 10%-i şikayət, 0,1%-i təklifdir.
Müraciətlərin 38%-i müxtəlif arayışların alınmasını, 34,3%-i kameral vergi yoxlamalarını, 9,5%-i vergi borclarını, 2,6%-i vergidən yayınma, nağd hesablaşmaların aparılması qaydalarının pozulması, qanunsuz sahibkarlıq fəaliyyətini əhatə edib.
Nazirlik müraciətlərin 76,6%-nin müsbət həll olunduğunu vurğulayır.
Hesabat dövründə Vergilər Nazirliyinin bütün qurumlarında ümumilikdə 502 vətəndaş qəbul edilib.
Oktyabrın 20-də vergilər naziri Ağcabədi rayonunda keçirilmiş səyyar qəbulda 6 rayonda yaşayan 33 vətəndaşla bir araya gəlib.
