Dollar sabitdir, başqaları yenilənib
Noyabrın 16-da ABŞ dollarının rəsmi kursu 1,7002 manat səviyyəsində saxlanıb. Bu məzənnə həftənin ilk günündən qüvvədədir.
Digər valyutalarda isə qiymət dəyişməsi var. Novator.az-ın məlumatına görə, Mərkəzi Bank dəyər itirən avronu 2,0022, gürcü larisini 0,6285, bahalaşan Rusiya rublunu 0,0282, türk lirəsini 0,4378 manata təklif edir (Məzənnələr).
2017-ci ildə dollar 1,7707 manatla start götürüb. Ən yuxarı rəsmi qiymət yanvarda 1,9165 manat, fevralda 1,92 manat, martda 1,7563 manat, apreldə 1,7244 manat, mayda 1,7026 manat, iyunda 1,7023 manat, iyulda 1,7022 manat, avqust və sentyabrda 1,701 manat, oktyabrda 1,7003 manat olub.
