Çempionat iştirakçıları 4 səbətə bölünüb
FİFA 2018-ci ilin dünya çempionatına qatılan 32 komandanın püşkdə hansı səbətdə yer almasını müəyyən edib. Püşk dekabrın 1-i Moskvada atılacaq. Rusiya çempionat sahibi kimi avtomatik 1-ci səbətə düşüb. Novator.az bildirir ki, qalan komandaların mövqeyi FİFA-nın reytinq cədvəlinə əsaslanır:
1-ci səbət – Rusiya, Almaniya, Braziliya, Portuqaliya, Argentina, Belçika, Polşa, Fransa;
2-ci səbət – İspaniya, Peru, İsveçrə, İngiltərə, Kolumbiya, Meksika, Uruqvay, Xorvatiya;
3-cü səbət – Danimarka, İslandiya, Kosta Rika, İsveç, Tunis, Misir, Seneqal, İran;
4-cü səbət – Serbiya, Nigeriya, Avstraliya, Yaponiya, Mərakeş, Panama, Cənubi Koreya, Səudiyyə Ərəbistanı.
Komandalar 8 qrupa bölünəcək. Eyni qrupda Avropanın ən çox iki komandası yer ala bilər, Afrika, Asiya, Cənubi Amerika, Şimali və Mərkəzi Amerika təmsilçiləri eyni qrupa salınmır.
Növbəti raunda hər birində 4 komanda olan qruplarda ilk iki yeri tutanlar adlayacaq.
Dünya çempionatı 2018-ci il iyunun 14-dən iyulun 15-dək Rusiyanın 11 şəhərinin 12 stadionunda keçiriləcək.
