![]({"full":{"0":"2017\/09\/Faiz.jpg","1":750,"2":417,"3":false,"file":"https:\/\/novator.az\/wp-content\/uploads\/2017\/09\/Faiz.jpg"}})
Adambaşına nə qədər ÜDM düşür?
- 16 Noyabr 2017
- comments
- Səidə Hüseynova
- Posted in Xəbər
Azərbaycanda fəaliyyət göstərən müəssisə, təşkilat və fərdi sahibkarlar bu ilin yanvar-oktyabr aylarında 6 milyard 481,5 milyon manatlıq və ya əvvəlki ilin müvafiq dövrünə nisbətən 0,7 faiz az ümumi daxili məhsul (ÜDM) istehsal edib. Novator.az-ın məlumatına görə, Dövlət Statistika Komitəsi bildirir ki, iqtisadiyyatın qeyri-neft sektorunda istehsal olunmuş əlavə dəyər 2,1 faiz artıb, neft sektorunda 6 faiz azalıb.
Hesabata əsasən, qeyri-neft sektorunun ÜDM-də xüsusi çəkisi 62,7 faiz olub. Əlavə dəyərin 40,2 faizi sənayedə, 10,2 faizi ticarət; nəqliyyat vasitələrinin təmiri, 8,8 faizi tikinti, 6,9 faizi nəqliyyat və anbar təsərrüfatı, 5,8 faizi kənd təsərrüfatı, meşə təsərrüfatı və balıqçılıq, 2,4 faizi turistlərin yerləşdirilməsi və ictimai iaşə, 1,7 faizi informasiya və rabitə, 16,7 faizi digər sahələrdə istehsal edilib. Məhsula və idxala xalis vergilər ÜDM-in 7,3 faizi həcmində olub.
Əhalinin hər nəfərinə düşən ÜDM 5 min 806,7 manat göstərilir.