İnternet: Azərbaycan qismən azad ölkədir
Mərkəzi qərargahı ABŞ-da yerləşən “Freedom House” beynəlxalq insan hüquqları təşkilatı 100 ballıq cədvəllə internet azadlığı reytinqini açıqlayıb.
Araşdırmaya daxil edilən 65 ölkə azad, qismən azad və qeyri-azad bölümləri üzrə üç qrupa ayrılıb (0 bal: ən azad, 100 bal: ən qeyri-azad).
Novator.az-ın məlumatına görə, internet azadlığı reytinqinin ilk üç pilləsində İslandiya, Estoniya (6 bal) və Kanada (15 bal) yer alır.
İnternet azadlığı sarıdan ən geridə İran (85 bal), Efiopiya (86 bal) və Çin (87 bal) göstərilir.
İnternetin qismən azad olduğu ölkələrin arasında Azərbaycanın da (58 bal) adı var.
Gürcüstan internet azadlığı olan ölkələr sırasında yer alıb: 24 bal.
Ermənistan 32 balla internetin qismən azad olduğu ölkələr arasındadır.
Rusiya və Türkiyə 66 balla qeyri-azad ölkələr kimi göstərilir.
Səidə Hüseynova
