Avstraliya dünya çempionatına çıxdı
Noyabrın 15-də Avstraliya milli komandası dünya futbol çempionatının final mərhələsinə vəsiqə qazanıb. Novator.az-ın məlumatına görə, Sidneydə Hondurası qəbul edən Avstraliya rəqibini 3:1 hesabı ilə üstələyib. İlk oyunda heç-heçə qeydə alınmışdı – 0:0
Bununla dünya çempionatının final mərhələsinə adlayan komandaların sayı 31-ə çatıb. Bu günəcən 2018-ci ilin dünya çempionatının final raunduna ev sahibi Rusiya ilə yanaşı Avropadan Fransa, İsveç, Portuqaliya, İsveçrə, Almaniya, Serbiya, Polşa, Danimarka, İspaniya, İngiltərə, Belçika, İslandiya, Xorvatiya, Afrikadan Tunis, Nigeriya, Mərakeş, Seneqal, Misir, Şimali və Mərkəzi Amerikadan Meksika, Kosta Rika, Panama, Cənubi Amerikadan Braziliya, Uruqvay, Argentina, Kolumbiya, Asiyadan İran, Cənubi Koreya, Yaponiya, Səudiyyə Ərəbistanı vəsiqə alıb.
Son vəsiqənin sahibi Peru – Yeni Zelandiya matçında bəlli olacaq. İlk oyunda hesab açılmayıb.
