Yeni müsabiqə: xəbər televiziyası açılır
Noyabrın 14-də Milli Televiziya və Radio Şurasının iclası keçirilib. Novator.az-ın məlumatına görə, iclasda xəbər televiziya kanalının yaradılması barədə müzakirələr aparılıb və ölkə üzrə yayımlanan xəbər televiziya kanalının açılması üçün müsabiqə elan edilib.
Müsabiqə noyabrın 16-dan dekabrın 16-dək davam edəcək.
Hazırda bütün ölkədə yayılan 10 televiziya var: AzTV, “Mədəniyyət”, “İdman Azərbaycan”, İctimai Televiziya, ATV, “Space”, “Xəzər”, “Lider”, ARB, “CBC Sport”.
Milli Televiziya və Radio Şurası 2002-ci ildə televiziya və radio yayımı sahəsində dövlət siyasətinin həyata keçirilməsini təmin etmək və bu fəaliyyəti tənzimləmək məqsədilə yaradılıb.
Şura dövlət büdcəsindən maliyyələşdirilir. Onun 9 üzvü var. Üzvləri prezident təyin edir.
Qurumun sədri postunu Nuşirəvan Məhərrəmli tutur.
