Tikintidə orta əməkhaqqı nə qədərdir?
2017-ci ilin yanvar-sentyabr aylarında tikinti sahəsində çalışan muzdlu işçilərin orta siyahı sayı 102,9 min nəfər olub, onların 27,2 faizi dövlət, 72,8 faizi qeyri-dövlət tikinti müəssisələrində fəaliyyət göstərib. Dövlət Statistika Komitəsi belə hesabat yayıb.
Novator.az-ın məlumatına görə, hesabatda qeyd olunur ki, tikinti sahəsində işləyənlərin orta aylıq nominal əməkhaqqı əvvəlki ilin yanvar-sentyabr ayları ilə müqayisədə 1,5 faiz azalaraq 793,4 manata düşüb. Qeyri-dövlət sektorunda orta aylıq nominal əməkhaqqı 901,3 manat, dövlət sektorunda 525,9 manat göstərilir.
Bu arada Vətəndaşlara Xidmət və Sosial İnnovasiyalar üzrə Dövlət Agentliyinin Əmək Münasibətlərinin Monitorinqi Mərkəzi bəyan edib ki, tikinti sektorunda aparılmış 15 səyyar monitorinqdə yoxlanan 557 işçidən 382-nin müqavilə ilə (106 işçi xidməti müqavilə), 175-nin müqaviləsiz işlədiyi aşkar olunub.
Mərkəz bu il aprelin 28-də prezident fərmanı ilə yaradılıb.
