Romanın süqutu
Dördqat dünya çempionu İtaliya 1958-ci ildən bəri ilk dəfə final mərhələsindən kənarda qalıb. Novator.az-ın məlumatına görə, seçmə mərhələnin son raundunda yer alan İtaliya milli komandası noyabrın 13-ü Milanda İsveç yığmasını qəbul edib. Oyunda hesab açılmayıb və Stokholmdakı ilk matçda 1:0 üstün olmuş Rusiyaya bilet əldə edib.
İsveç dünya futbol çempionatının final raunduna çıxan 29-cu milli komandadır. 2018-ci ilin iyun-iyul aylarında keçiriləcək çempionatda ev sahibi Rusiya ilə yanaşı Avropadan Fransa, Portuqaliya, İsveçrə, Almaniya, Serbiya, Polşa, İspaniya, İngiltərə, Belçika, İslandiya, Xorvatiya, Afrikadan Tunis, Nigeriya, Mərakeş, Seneqal, Misir, Şimali və Mərkəzi Amerikadan Meksika, Kosta Rika, Panama, Cənubi Amerikadan Braziliya, Uruqvay, Argentina, Kolumbiya, Asiyadan İran, Cənubi Koreya, Yaponiya, Səudiyyə Ərəbistanı da qatılacaq.
Qalan 3 vəsiqənin sahibi bu gün və sabah İrlandiya – Danimarka (ilk oyun 0:0 hesabı ilə bitib), Avstraliya – Honduras (0:0), Peru – Yeni Zelandiya (0:0) matçlarında bəlli olacaq.
