İxracın 86 faizindən çoxu neft və qazdır
Bu ilin 10 ayında Azərbaycanın ixracının 86,24 faizi neft-qaz sektoruna aid olub. Novator.az bildirir ki, yanvar-oktyabr aylarında ixracın 72,22 faizini xam neft, 2,96 faizini neft məhsulları, 11,06 faizini təbii qaz təşkil edib.
Dövlət Gömrük Komitəsinin hesabatına görə, 10 aylıq ixracın 4,15 faizi meyvə-tərəvəz, 1,08 faizi alüminium və ondan hazırlanan məmulatlardır.
2017-ci ilin 10 ayında idxalın 21,41 faizi maşın, mexanizm, elektrik aparatları, avadanlıqlar və onların hissələri olub.
Yeyinti məhsulları ümumi həcmin 16,11 faizini təşkil edib.
Ümumi idxalın 13,05 faizi nəqliyyat vasitələri və onların hissələri, 9,45 faizi qara metallar və onlardan hazırlanan məmulatlar, 3,56 faizi plastmassa və ondan hazırlanan məmulatlar, 2,51 faizi oduncaq və ondan hazırlanan məmulatlar, 2,4 faizi əczaçılıq məhsulları, 1,83 faizi tütün və tütün məmulatlarıdır.
