Gömrük pozuntularının statistikası
Dövlət Gömrük Komitəsi 2017-ci ilin 10 ayı üzrə hüquqpozmaların statistikasını açıqlayıb. Novator.az-ın məlumatına görə, qeyd olunur ki, yanvar-oktyabr aylarında gömrük orqanları cinayət xarakterli 621 fakt aşkarlayıb.
Hesabat müddətində 380 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 176 fakt, 1 gömrük ödənişindən yayınma, 76 aksiz markası olmadan mal idxal etmə faktı, 178 digər cinayət xarakterli fakt qeydə alınıb.
Yanvar-oktyabr ayları ərzində gömrük hüquqpozmalarında 677 şəxs təqsirləndirilib.
Dövlət Gömrük Komitəsi 10 ayda 6771 inzibati xəta faktı ortaya çıxarıb.
