9 ayda orta maaş 7,2 faiz artıb
Dövlət Statistika Komitəsi iqtisadiyyatda işləyənlərin sayı və əməkhaqqı barədə məlumat yayıb. Novator.az bildirir ki, rəsmi hesabata görə, 2017-ci il oktyabrın 1-nə ölkə iqtisadiyyatında 1 milyon 526,4 min nəfər muzdla çalışıb. Onların 877,6 min nəfəri iqtisadiyyatın dövlət sektorunda, 648,8 min nəfəri qeyri-dövlət sektorunda fəaliyyət göstərib.
9 ayda ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 7,2 faiz artaraq 525,6 manata çatıb.
Novator.az xatırladır ki, bu ilin yanvar-oktyabr aylarında istehlak məhsullarının və xidmətlərin qiymətləri 2016-cı ilin müvafiq dövrünə nisbətən 13,7 faiz artıb.
Ərzaq məhsullarının qiymətləri 17,6 faiz, qeyri-ərzaq mallarının qiymətləri 12,4 faiz, əhaliyə göstərilən ödənişli xidmətlərin qiymətləri 9,6 faiz yüksəlib.
