Ərdoğan Putinlə Qarabağ münaqişəsini müzakirə edəcək
Türkiyə və Rusiya prezidentləri Dağlıq Qarabağ münaqişəsi ilə bağlı müzakirələr aparacaqlar. AZƏRTAC “Anadolu” agentliyinə istinadla xəbər verir ki, bunu Rusiyaya səfərindən əvvəl Atatürk Hava Limanında keçirdiyi mətbuat konfransında Türkiyə prezidenti Rəcəb Teyyub Ərdoğan deyib.
O bildirib ki, Rusiya prezidenti Vladimir Putinlə keçirəcəyi görüşdə Dağlıq Qarabağ münaqişəsi də müzakirə olunacaq.
Rəcəb Teyyub Ərdoğanın Rusiyaya səfəri noyabrın 13-də başlayıb. O, Vladimir Putinlə Soçi şəhərində görüşəcək.
Türkiyə və Rusiya prezidentləri bundan qabaq sentyabrın 28-də Ankarada görüşüblər.
