Postun sahibi dəyişmədi
Sloveniya prezidenti Borut Pahor postunu əlində saxlayıb. Novator.az-ın məlumatına görə, noyabrın 12-si prezident seçkisinin ikinci turunda Kamnik şəhərinin meri Maryan Şaretslə üz-üzə gələn Borut Pahor rəqibini 52,9 faiz səslə üstələyib.
İlk tur oktyabrın 22-də 9 namizədin iştirakı ilə keçirilmiş, Borut Pahor 48 faizə yaxın, Maryan Şarets 25 faizə yaxın səs yığmışdı.
Parlament respublikası olan Sloveniyada məhdud səlahiyyətlərə malik prezident 5 il müddətinə seçilir.
54 yaşlı Borut Pahor 2012-ci ildən prezident kürsüsündə oturur, əvvəllər parlament sədri, baş nazir olub.
