Baş nazir hökuməti ixtisar etdi
Gürcüstanın baş naziri Georgi Kvirikaşvili hökumətdə dəyişikliklər edib. Novator.az-ın məlumatına görə, baş nazir noyabrın 13-də bəyan edib ki, nazirliklərin sayı 18-dən 14-ə enir.
Energetika Nazirliyi, Ətraf Mühiti və Təbii Sərvətləri Mühafizə Nazirliyi, Gənclər və İdman Nazirliyi, eləcə də Avropa və Avroatlantika İnteqrasiyası Məsələləri üzrə Dövlət Naziri Aparatı ləğv olunur, funksiyaları başqa nazirliklərə verilir.
6 nazirin postdan götürüldüyü açıqlanıb. Bunlar daxili işlər naziri Georgi Mqebrişvili, elm və təhsil naziri Aleksandr Cecelava, ətraf mühiti və təbii sərvətləri mühafizə naziri Qiqla Aqulaşvili, energetika naziri İliya Eloşvili, gənclər və idman naziri Tariyel Xeçikaşvili, Avropa və Avroatlantika inteqrasiyası məsələləri üzrə dövlət naziri Viktor Dolidzedir.
