4 oyun qaldı, 4 vəsiqə
Dünya futbol çempionatının final raunduna çıxan komandaların sayı 28-ə çatıb. Novator.az-ın məlumatına görə, ötən həftəsonu keçirilən seçmə oyunlarda Avropadan Xorvatiya və İsveçrə, Afrikadan Seneqal, Tunis və Mərakeş vəsiqə əldə ediblər.
2018-ci ilin iyun-iyul aylarında keçiriləcək çempionatda ev sahibi Rusiya ilə yanaşı Avropadan Almaniya, İngiltərə, Belçika, İspaniya, Polşa, Serbiya, İslandiya, Fransa, Portuqaliya, Afrikadan Nigeriya, Misir, Şimali və Mərkəzi Amerikadan Meksika, Kosta Rika, Panama, Cənubi Amerikadan Braziliya, Uruqvay, Kolumbiya, Argentina, Asiyadan Cənubi Koreya, Yaponiya, Səudiyyə Ərəbistanı, İran da qatılacaq.
Qalan 4 vəsiqənin taleyinə bu həftə İtaliya – İsveç (ilk oyun 0:1 hesabı ilə bitib), İrlandiya – Danimarka (0:0), Avstraliya – Honduras (0:0), Peru – Yeni Zelandiya (0:0) matçlarında aydınlıq gələcək.
