Milli Qəhrəmanın ailəsinə ev təqdim edilib
Əmək və Əhalinin Sosial Müdafiəsi Nazirliyi Zaqatala rayonunun Dağlı kəndində tikdirdiyi yaşayış evini Azərbaycanın Milli Qəhrəmanı Natiq Məmmədovun ailəsinə təqdim edib. Rəsmi xəbər noyabrın 10-da yayılıb.
Evin təqdim olunması tədbirində bildirilib ki, Əmək və Əhalinin Sosial Müdafiəsi Nazirliyi indiyədək 5 min 560 nəfər imtiyazlı şəxsi mənzillə təmin edib, onların 5,1 min nəfəri Qarabağ müharibəsi əlili və şəhid ailəsi, qalanları İkinci Dünya müharibəsi əlilləri, Çernobıl əlilləri, müharibə əlillərinə bərabər tutulan digər vətəndaşlar, gözdən əlillərdir.
