Kərə yağının idxal rüsumu aşağı salındı
Nazirlər Kabineti kərə yağının, süddən hazırlanmış digər yağların, südlü pastaların gömrük idxal rüsumunu azaldıb. Novator.az-ın məlumatına görə, noyabrın 7-də dərc olunan qərarla idxal rüsumunun dərəcəsi gömrük dəyərinin 15 faizi həcmindən 5 faizi həcminə endirilir.
Qərar dərc edildiyi gündən 30 gün sonra rəsmiləşir və 2019-cu il dekabrın 31-dək qüvvədə olacaq.
Hazırda Azərbaycanda 1 kiloqram kərə yağının qiyməti 14-19 manat arası dəyişir. Gömrükdə 1 kiloqram yağ 4-5 ABŞ dollarına rəsmiləşdirilir.
