Çempionatların gedişi
Novator.az yenidən Avropada milli futbol çempionatlarının gedişinə nəzər salıb. İngiltərə çempionatında 11 turdan sonra “Mançester Siti” 31 xalla önə çıxaraq ən yaxın rəqiblərini 8 xal qabaqlayır. “Mançester Yunayted” və “Tottenhem”in 23 xalı var.
11 turu geridə qalan Almaniya çempionatında “Bavariya” 26 xalla liderdir. “Leypsiq” 22 xal, “Borussiya” (Dortmund) və “Şalke” 20 xal yığıb.
İspaniya çempionatında 11 turun yekununda “Barselona” birincidir: 31 xal. “Valensiya” 27 xalla ikinci pillədə durur, “Real”ın və “Atletiko”nun 23 xalı var.
12 turun ardından İtaliya çempionatında ilk pillədə 32 xalla “Napoli” dayanır. “Yuventus” 31 xal, “İnter” 30 xal toplayıb.
PSJ 12 turdan sonra Fransa çempionatında zirvədə qərar tutub: 32 xal. “Monako” 28 xalla ikincidir, onu 25 xalla “Lion” izləyir.
Hollandiya çempionatında 11 turdan sonra PSV (30 xal), Portuqaliya çempionatında 11 turdan sonra “Portu” (31 xal), Türkiyə çempionatında 11 turdan sonra “Qalatasaray” (26 xal) öndə gedir.
Ukrayna çempionatında 15 turdan sonra lider “Şaxtyor” 36 xal yığıb.
Rusiya çempionatında “Lokomotiv” 16 turdan sonra 33 xalla liderlik edir.
