Bağlanan banklar üzrə ödənişlər
Noyabrın 3-nə Əmanətlərin Sığortalanması Fondu ləğv prosesində olan 11 bank üzrə 747,9 milyon manat kompensasiya ödəyib. Rəsmi məlumata görə, “Yunayted Kredit Bank” ASC-də qorunan əmanətlər üzrə 1,8 milyon manat kompensasiya verilib.
“Bank of Azerbaijan” ASC-nin əmanətçiləri 24,2 milyon manat, “Gəncəbank”ın əmanətçiləri 976,4 min manat, “Texnikabank”ın əmanətçiləri 120,4 milyon manat, “Parabank”ın əmanətçiləri 43,2 milyon manat, “Zaminbank”ın əmanətçiləri 72,2 milyon manat, “Kredobank”ın əmanətçiləri 27,9 milyon manat, “Dekabank”ın əmanətçiləri 3 milyon 88 min manat, “Atrabank”ın əmanətçiləri 14,3 milyon manat, Qafqaz İnkişaf Bankının əmanətçiləri 2 milyon 4 min manat, “Bank Standard”ın əmanətçiləri 437,7 milyon manat kompensasiya alıb.
