Orta maaş: Bakıda və bütün ölkədə
Azərbaycanın paytaxtında orta maaş ölkə üzrə orta maaşdan 257 manat 30 qəpik çoxdur. Bakı Şəhər Statistika İdarəsi bildirir ki, 2017-ci ilin yanvar-avqust aylarında paytaxtda orta aylıq nominal əməkhaqqı əvvəlki ilin müvafiq dövrünə nisbətən 8,3 faiz artaraq 782 manata çatıb. Novator.az-ın məlumatına görə, sentyabrın 1-nə ölkə üzrə orta aylıq nominal əməkhaqqı 524,7 manat olub.
Hesabata əsasən, Bakıda ən yüksək orta aylıq maaş tikinti və bank, icarə və istehlakçılara xidmət göstərən təşkilatlarda, ən aşağı maaş səhiyyə və sosial xidmətlər, təhsil, digər kommunal, sosial, şəxsi xidmətlərin göstərilməsi və sair sahələrdə qeydə alınıb.
