İlk vəsiqələr
UEFA Avropa Liqasının qrup mərhələsində dördüncü tur arxada qalıb. Novator.az-ın məlumatına görə, C qrupunda yarışan Türkiyə təmsilçisi “Başakşəhər” noyabrın 2-də Almaniyanın “Hoffenhaym” klubunu qəbul edib. Oyun 1:1 hesabı ilə bitib.
Bolqarıstanda yerli “Ludoqorets”lə Portuqaliyanın “Braqa” komandasının görüşündə də eyni hesab qeydə alınıb.
İ qrupunda yer alan digər Türkiyə klubu “Konyaspor”un səfərdə Avstriyanın “Zalsburq” klubu ilə oyununda hesab açılmayıb.
“Marsel” (Fransa) səfərdə “Gimarayeş”ə (Portuqaliya) uduzub – 0:1.
İki dövrəlik turnirdən növbəti mərhələyə çıxmaq üçün qrupda ən azı ikinci yeri tutmaq gərəkdir. Hazırda “Başakşəhər” 2 xalla dördüncü, “Konyaspor” 4 xalla üçüncü pillədə qərarlaşıb.
2 noyabr oyunlarından sonra digər qruplardan “Dinamo” (Ukrayna), “Styaua” (Rumıniya), “Arsenal” (İngiltərə), “Latsio” (İtaliya) və “Zenit” (Rusiya) növbəti raunda vəsiqəni təmin ediblər.
