Sosial müdafiə hesabatları
Əmək və Əhalinin Sosial Müdafiəsi Nazirliyi yeni hesabatlar yayıb. Qeyd olunur ki, 2017-ci ilin doqquz ayı ərzində 450912 nəfərə aylıq və birdəfəlik sosial müavinət ödənib. Sosial müavinət alanların 83,4 faizi aylıq, 16,6 faizi isə birdəfəlik müavinət alanlar olub.
Nazirliyin xətti ilə 59325 nəfər şəxs prezident təqaüdü alıb.
Oktyabrın 1-nə ölkədə sosial müdafiə sistemi vasitəsilə 1 milyon 330 min nəfərə əmək pensiyası, 97,2 min ailənin 400,4 min nəfər üzvünə isə ünvanlı sosial yardım verilir.
Başqa bir hesabata görə, yanvar-oktyabr aylarında Əmək və Əhalinin Sosial Müdafiəsi Nazirliyi əlilliyi olan 10967 nəfərə protez-ortopedik bərpa xidmətləri göstərib. Həmin insanların 1334 nəfəri ölkənin ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş vətəndaşlardır. Ümumilikdə 10 ay ərzində əlilliyi olan şəxslər 25820 protez-ortopedik məmulat və reabilitasiya vasitəsi ilə təmin olunublar.
