Dördüncü tur başa çatdı
UEFA Çempionlar Liqasının qrup mərhələsində dördüncü tura yekun vurulub. Novator.az-ın məlumatına görə, G qrupunda yer alan Türkiyə təmsilçisi “Beşiktaş” noyabrın 1-i İstanbulda Fransanın “Monako” klubunu qəbul edib. Görüşdə heç-heçə qeydə alınıb – 1:1.
“Portu” (Portuqaliya) öz meydanında “Leypsiq”i (Almaniya) 3:1 hesabı ilə üstələyib.
Qrup mərhələsindən növbəti raunda adlamaq üçün ən azı ikinci yeri tutmaq gərəkdir. Üçüncü yeri tutan komanda Avropa Liqasına transfer olunur. Hazırda “Beşiktaş” 10 xalla zirvədədir. “Portu”nun 6, “Leypsiq”in 4, “Monako”nun 2 xalı var.
Noyabrın 1-də keçirilən oyunlardan sonra İngiltərənin “Mançester Siti” (F qrupu) və “Tottenhem” (H qrupu) klubları 1/8 finala vəsiqəni təmin ediblər.
