Silahlı Qüvvələrə Yardım Fondunun vəsaiti
Azərbaycanın Müdafiə Nazirliyi bildirir ki, noyabrın 1-nə Silahlı Qüvvələrə Yardım Fondunda 86,1 milyon manat vəsait toplanıb. Hesabda 212,9 min ABŞ dolları, 8,9 min avro, 5 min rubl olduğu qeyd edilir.
Silahlı Qüvvələrə Yardım Fondu 2002-ci ildə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
Novator.az-ın məlumatına görə, 1 yanvar 2017-ci ilədək fonda 79,2 milyon manat, 212,4 min ABŞ dolları, 6 minə yaxın avro və 5 min rubl yığılmışdı.
