Musa Tükənov həbs edilib
Azərbaycan Vahid Kommunist Partiyasının sədri, “Azərbaycan Karlar Cəmiyyəti” İctimai Birliyinin sədr müavini Musa Tükənov həbs edilib.
“Report”un əldə etdiyi məlumata görə, Musa Tükənov 3 nəfər əlil şəxsin Baş prokuror yanında Korrupsiyaya Qarşı Mübarizə Baş İdarəsinə etdiyi şikayət əsasında tutulub.
Şikayətçilər Musa Tükənovun onlardan pul aldığını iddia ediblər.
Musa Tükənova qarşı Cinayət Məcəlləsinin rüşvət alma (passiv rüşvətxorluq) maddəsi ilə ittiham irəli sürülüb və Binəqədi Rayon Məhkəməsinin qərarı ilə onun barəsində 2 ay müddətinə həbs qətimkan tədbiri seçilib.
Musa Tükənov hazırda Bakı İstintaq Təcridxanasında saxlanır.
