Maşınlı terrorlarda 140 nəfər həlak olub
2016-2017-ci illərdə avtomobili insanların üstünə sürmə metodu ilə törədilən terror aktlarında 140 nəfər həlak olub.
Novator.az bildirir ki, 2016-cı il iyulun 14-də Fransanın Nitsa şəhərində yük maşınının piyadaların üstünə sürülməsi 86 nəfərin ölümünə gətirib.
2016-cı il dekabrın 19-da Almaniyanın paytaxtı Berlində yük maşınının adamların üstünə sürülməsi 12 nəfərin ölümü ilə nəticələnib.
2017-ci il martın 22-də İngiltərənin paytaxtı Londonda maşınla terror aktı törədilib, eyni zamanda bıçaqdan istifadə edilib, 5 nəfər həlak olub.
2017-ci il aprelin 7-də İsveçin paytaxtı Stokholmda yük maşınının piyadaların üstünə sürülməsi 4 nəfərin ölümünə gətirib.
2017-ci il iyunun 4-də Londonda mikroavtobusun piyadaların üstünə sürülməsi, eyni zamanda bıçaqlı hücum 8 nəfərin ölümü ilə nəticələnib.
2017-ci il iyunun 19-da Londonda yük maşını piyadaların üstünə sürülüb və bıçaqlı hücum qeydə alınıb. 1 nəfər həlak olub.
2017-ci il avqustun 17-də İspaniyanın Barselona şəhərində furqon piyadaların üstünə sürülüb, 16 nəfər ölüb.
2017-ci il oktyabrın 31-də ABŞ-ın Nyu-York şəhərində yük maşını ilə törədilən terrorda 8 nəfər həlak olub.
