Erməni nazirin kürsüsü laxlayır
Milli Antikorrupsiya Bürosu oktyabrın 31-də Ukraynanın daxili işlər naziri Arsen Avakovun oğlu Aleksandr Avakovu tutub. Novator.az xəbər verir ki, oğul Avakov 2014-2015-ci illərdə Daxili İşlər Nazirliyi üçün çantaların şişirdilmiş qiymətə alınması işində təqsirləndirilir. 520 min dollara yaxın yeyinti olduğu bildirilən iş üzrə daxili işlər nazirinin sabiq müavini Sergey Çebotar da həbs edilib.
Arsen Avakov Bakı ermənisidir. 1964-cü ildə anadan olub. İki yaşından Ukraynada yaşayır. Xarkov Politexnik İnstitutunu bitirib. Uzun müddət bizneslə məşğul olub. 2005-2010-cu illərdə Xarkov vilayətinin qubernatoru postunu tutub, sonra Ali Radanın deputatı seçilib. 2014-cü il fevralın 22-dən daxili işlər naziridir.
