9 ayın güzəştli kreditləri
İqtisadiyyat Nazirliyinin Sahibkarlığa Kömək Milli Fondu maliyyə ayırdığı layihələr barədə hesabat açıqlayıb. Rəsmi məlumatda bildirilir ki, 2017-ci ilin yanvar-sentyabr aylarında 1270 layihəyə 96 milyon 496,4 min manat güzəştli kredit ayrılıb.
Layihələr sənaye, kənd təsərrüfatı məhsullarının istehsalı və emalı, turizm və xidmət sahələrini əhatə edib.
Fondun dəstəklədiyi layihələrin 1228-i kiçik (13 milyon 394,9 min manat), 17-si orta (4 milyon 594 min manat), 25-i isə böyük həcmli kredit növünə (78 milyon 507,5 min manat) aid olub.
Maliyyələşən layihələrin 3881 iş yerinin açılmasına təkan verdiyi bildirilir.
