Yoxlamaları dayandıran qanunun müddəti uzadıldı
Milli Məclisin 31 oktyabr iclasında sahibkarlıq sahəsində aparılan yoxlamaların dayandırılması barədə qanuna dəyişiklik edilib.
Qanun 2015-ci il oktyabrın 20-də qəbul olunub, sahibkarlıq sahəsində yoxlamalar həmin il noyabrın 1-dən 2 il müddətinə dayandırılıb. Yenilik yoxlamaların dayandırılmasını 2021-ci il yanvarın 1-dək uzadır.
Vergi yoxlamaları, insanların həyat və sağlamlığına, dövlətin təhlükəsizliyinə və iqtisadi maraqlarına mühüm təhlükə yaradan hallar üzrə yoxlamalar istisnadır. Qanunun müddəaları korrupsiya cinayətlərinin araşdırılması ilə əlaqədar Baş Prokurorluğun apardığı yoxlamalara şamil edilmir.
