Məşğulluq proqramı: 1150 təsərrüfat yaradılıb
Əmək və Əhalinin Sosial Müdafiəsi Nazirliyi özünüməşğulluq proqramının icrası ilə bağlı yeni hesabat yayıb. Proqram prezidentin 7 aprel 2016-cı il sərəncamı əsasında icra olunur.
Son rəsmi məlumata görə, Əmək və Əhalinin Sosial Müdafiəsi Nazirliyi daha 16 nəfər işsiz və işaxtaran vətəndaşa biznes-planlarına uyğun ailə təsərrüfatlarını qurmaları üçün aktivlər (mal və materiallar) təqdim edib. Bununla nazirliyin xətti ilə verilmiş aktivlər hesabına yaradılan ailə təsərrüfatlarının sayı 1150-yə çatıb.
Proqram iştirakçılarının 300 nəfərə qədəri qadındır. 280 nəfər gənc, 60 nəfər əlilliyi olan şəxs də özünüməşğulluq proqramına cəlb edilib.
Verilmiş aktivlər hesabına yaradılan təsərrüfatların 84%-i kənd təsərrüfatı, qalan hissəsi xidmət və istehsal sahələrinə aiddir.
