Məhkəmələrə nümayəndə kimi çıxmaq yasaqlanır
Milli Məclisin 31 oktyabr iclasında “Vəkillər və vəkillik fəaliyyəti haqqında” qanuna, Mülki Prosessual Məcəlləyə və İnzibati Prosessual Məcəlləyə dəyişiklik edilib. Yenilik məhkəmə çəkişmələrində nümayəndəlik institutunun məhdudlaşmasını nəzərdə tutur. Qanun qüvvəyə mindikdən sonra birinci instansiya və apellyasiya məhkəmələrində fiziki şəxsin yalnız yaxın qohumuna (babalar, nənələr, valideynlər, övladlığa götürənlər, doğma və ögey qardaşlar və bacılar, ər-arvad, uşaqlar, övladlığa götürülənlər, nəvələr) qanuni nümayəndə kimi iştirak icazəsi veriləcək.
Kassasiya instansiyasında, yəni Ali Məhkəmədə işlərə baxılan zaman nümayəndənin iştirakı isə tam yasaqlanır.
