Azərbaycan nefti rekordu təzələdi
Oktyabrın 31-də Azərbaycan neftinin qiyməti artıb. AZƏRTAC xəbər verir ki, “AzəriLayt” markalı neftin bir barreli 0,16 dollar bahalaşaraq 61,47 dollar olub.
Nyu-York birjasında “Layt” markalı neftin bir barreli 54,05 dollara, London birjasında “Brent” markalı neftin bir barreli 60,76 dollara satılır.
Azərbaycanın 2017-ci il büdcəsində neftin qiyməti 40 dollar hesablanıb. Novator.az bildirir ki, oktyabrın 31-nə qədər “AzəriLayt”ın ən yüksək qiyməti sentyabrın 26-da qeydə alınmışdı: 60,51 dollar.
Yanvarın əvvəlində “AzəriLayt” 55,97 dollara, fevralın əvvəlində 56,79 dollara, martın əvvəlində 56,68 dollara təklif olunub.
Aprel 53,62 dollarla, may 53,04 dollarla, iyun 51,01 dollarla, iyul 48,57 dollarla, avqust 53,60 dollarla, sentyabr 54,55 dollarla, oktyabr 57,51 dollarla start götürüb.
