Su ehtiyatlarının mühafizəsi: yeni statistika
2017-ci ilin yanvar-sentyabr aylarında su ehtiyatlarının mühafizəsi üzrə hüquqi və fiziki şəxslər barəsində 195 akt və 55 protokol tərtib olunub. Aşkar edilmiş nöqsanların aradan qaldırılması üçün icrası məcburi olan 114 müddətli göstəriş verilib. Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin sektor müdiri Raqub Mirzəyev AZƏRTAC-a belə deyib.
Sektor müdirinin sözlərinə görə, ümumilikdə 52 nəfər 45 min 609 manat məbləğində cərimələnib, 22 fakt üzrə 57 min 629 manat məbləğində iddia qaldırılıb, 949 müəssisə və təşkilata 200 min 640 manat məbləğində ödəmə tətbiq edilib. Tədbir görülməsi üçün hüquq mühafizə orqanlarına 17 iş göndərilib.
