Qələbə var, qalib yox…
Hakim İstiqlal Partiyası İslandiyada oktyabrın 28-də keçirilmiş növbədənkənar parlament seçkisində yarımçıq qələbə qazanıb. Novator.az-ın məlumatına görə, partiya 25,2% səslə rəqiblərini qabaqlayıb, amma hökumət qurmaq üçün yetərli mandat götürə bilməyib. Hökumət qurmağa 63 nəfərlik parlamentdə 32 mandat gərəkdir, hakim partiya isə 16 yerə sahib çıxıb.
Sol Yaşıllar Hərəkatı seçkidə ikinci (16,9%), Sosial Demokrat Partiyası üçüncü (12,1%) yeri tutub.
Mərkəz Partiyası parlamentə 10,9%, Tərəqqipərvər Partiya 10,7%, Pirat Partiyası 9,2%, Xalq Partiyası 6,9%, İslahatlar Partiyası 6,7% səslə düşüb.
