Sahibkarlara kreditlər verilib
İqtisadiyyat Nazirliyinin Sahibkarlığa Kömək Milli Fondu oktyabrın 27-si Bərdənin Zümürxan kəndində keçirdiyi işgüzar forumda Bərdə və ətraf rayonlardan olan sahibkarlara 1,3 milyon manat güzəştli kredit verib. Rəsmi məlumatda kreditlərin əsasən heyvandarlıq, bağçılıq, çörək, quru meyvə istehsalı və sair sahələrin inkişafına yönəldiləcəyi, 80-dək yeni iş yerinin açılmasının mümkün olacağı bildirilir.
Sahibkarlığa Kömək Milli Fondunun icraçı direktorunun müavini Arif Vəliməmmədov deyib ki, indiyədək Aran iqtisadi rayonunda fəaliyyət göstərən sahibkarlıq subyektləri 543 milyon manat güzəştli kredit alıb. Bərdə rayonundan olan sahibkarlar isə 73,9 milyon manat güzəştli kredit əldə edib.
