Elektron müraciətlərin 40 faizi bir nazirliyə yönəlib
Əmək və Əhalinin Sosial Müdafiəsi Nazirliyinin əmək müqaviləsi bildirişi üzrə elektron informasiya sisteminə 2014-cü ilin iyul ayından bu yana 9 milyon 885 min 100 dəfə müraciət edilib. Rəsmi məlumata görə, ötən dövrdə “Elektron hökumət” portalına ümumi müraciətlərin 17,5 faizi məhz həmin sistemin payına düşüb.
2017-ci ilin 9 ayı ərzində “Elektron hökumət” portalına edilən müraciətlərin 40 faizə yaxını (7 milyon 6 min 756 müraciət) Əmək və Əhalinin Sosial Müdafiəsi Nazirliyinin istifadədə olan 30-a yaxın e-xidmətlərinə yönəlib.
İndiyədək əmək müqaviləsi bildirişi üzrə elektron informasiya sisteminə müraciətlərin 7 milyon 957 min 200-ü əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” e-xidmətinə aid olub.
Elektron arayış sisteminə daxil olan e-xidmətlər üzrə ümumi müraciətlərin 708 min 600-ü “İş yerinə dair arayış” e-xidmətə yönəlib.
