Çay süfrəsində vida
AFFA-nın prezidenti Rövnəq Abdullayev oktyabrın 26-da Azərbaycan milli komandasının baş məşqçisi Robert Prosineçki ilə görüşüb. Rəsmi məlumata görə, Azərbaycan futbolunun vəziyyəti, gələcək perspektivlərinin müzakirə olunduğu görüşdə Robert Prosineçki ilə müqavilənin uzadılmaması barədə razılığa gəlinib.
Novator.az xatırladır ki, xorvat Robert Prosineçki 2014-cü il dekabrın 3-dən Azərbaycan milli futbol komandasının baş məşqçisi postunu tuturdu. 1969-cu il təvəllüdlü Robert Prosineçki futbolçu karyerasına Zaqreb “Dinamo”sunda başlayıb, sonra “Srvena Zvezda”nın (Serbiya) şərəfini qoruyub.
Yarımmüdafiəçi mövqeyində oynayan futbolçu İspaniyanın “Real”, “Ovyedo”, “Barselona”, “Sevilya”, Belçikanın “Standard”, İngiltərənin “Portsmut” komandalarının və bir neçə başqa klubun da formasını geyinib.
Yuqoslaviya milli komandasında 15 oyun (4 qol), Xorvatiya yığmasında 49 oyun (10 qol) keçirib.
Robert Prosineçki Xorvatiya yığmasının məşqçisi, “Srvena Zvezda”nın və Türkiyənin “Kayserispor” komandasının baş məşqçisi olub.
