Saxarov mükafatı müxaliflərə qismət oldu
Avropa Parlamenti oktyabrın 26-sı Strasburqda keçirilən plenar iclasında 2017-ci ilin Andrey Saxarov adına “Azad düşüncə mükafatı” ilə bağlı qərar qəbul edib. Mükafatın bir qrup venesuelalı müxalifə verilməsi rəsmiləşib.
Novator.az bildirir ki, Venesuela parlamentinin bir qrup deputatları və bir neçə siyasi məhbus Saxarov mükafatına demokratiya, insan haqları uğrunda mübarizəyə və iqtisadiyyatın deqradasiyasına qarşı müqavimətə görə layiq görülüblər.
Mükafat laureatlara dekabr ayında təqdim olunacaq.
“Azad düşüncə mükafatı” 1988-ci ildən bəri insan hüquqları və fikir azadlığı uğrunda mübarizəyə görə verilir.
SSRİ dövrünün məşhur dissidenti akademik Andrey Saxarovun adını daşıyan mükafatın fondu 50 min avrodur.
Səidə Hüseynova
