Həbsdə olan jurnalistin şikayəti var
Vəkil Elçin Sadıqov həbsdə olan jurnalist Araz Quliyevin şikayətini Baş Prokurorluğa çatdırıb.
Araz Quliyev Xeber44.com saytının baş redaktoru olub. O, 2012-ci il sentyabrın 9-dan həbsdədir. Lənkəran Ağır Cinayətlər Məhkəməsi Araz Quliyevi qanunsuz silah saxlama, hakimiyyət nümayəndəsinə müqavimət, ictimai qaydanın pozulması, milli, irqi, sosial, dini ayrı-seçkiliyə səbəb olan hərəkətlərdə təqsirli bilinərək 8 il müddətinə azadlıqdan məhrum edib.
Araz Quliyev hazırda Qobustan həbsxanasında saxlanır.
Azadliq.org xəbər verir ki, Elçin Sadıqov bu həftə həbsxanada Araz Quliyevlə görüşüb. Vəkilin bildirdiyinə görə, jurnalistin səhhəti yaxşı deyil, üstəlik, o, işgəncə ilə üzləşdiyini deyir: “Görüşdə Araz Quliyev bu barədə ətraflı izahat yazdı, həmin izahatı araşdırılması üçün Baş Prokurorluğa göndərdim”.
