Bakıda gəlir: 7,3 milyard manat, qalan yerlərdə: 623,2 milyon manat
Novator.az 2018-ci ilin dövlət büdcəsi layihəsində bölgələr üzrə gəlir proqnozuna nəzər salıb.
Paytaxt Bakı 7 milyard 283,8 milyon manat gəlir proqnozu ilə ilk sırada durur.
Qalan şəhər və rayonlar üzrə üst-üstə 623,2 milyon manat gəlir proqnozlaşdırılır.
Sumqayıtın 2018-ci ildə 88,5 milyon manat, Gəncənin 46,3 milyon manat, Abşeronun 36,3 milyon manat, İmişlinin 21,9 milyon manat gəlir əldə etməsi gözlənir.
İlk onluqda Xaçmaz (21,5 milyon manat), Mingəçevir (21,2 milyon manat), Şəki (19,7 milyon manat), Lənkəran (17,2 milyon manat), Şirvan şəhəri də (16,8 milyon manat) var.
Tovuzun gəlir proqnozu 15,6 milyon manat göstərilir. Qəbələ üzrə 14,9 milyon manat, Yevlax üzrə 14,6 milyon manat, Quba üzrə 13,9 milyon manat, Şəmkir üzrə 13 milyon manat, Sabirabad üzrə 11,2 milyon manat, Bərdə üzrə 10,9 milyon manat, Salyan üzrə 10,6 milyon manat, Astara üzrə 10,4 milyon manat gəlir proqnozlaşdırılır.
