Vizasız səyahət reytinqi
“Arton Capital” konsultasiya şirkəti Qlobal Pasport İndeksini açıqlayıb. Azadliq.org-un məlumatına görə, reytinq vizasız səyahət meyarına əsaslanır.
Oktyabrın 25-də açıqlanan reytinqə əsasən, Azərbaycan pasportu ilə 64 ölkəyə vizasız getmək mümkündür.
Rusiya pasportu 108 ölkəyə, Gürcüstan pasportu 105 ölkəyə, Türkiyə pasportu 104 ölkəyə, Ermənistan pasportu 59 ölkəyə, İran pasportu 36 ölkəyə vizasız səyahət imkanı verir.
Sinqapur pasportu 159 ölkə ilə birinci yeri tutur.
İkinci yerdə Almaniya pasportu (158 ölkə), üçüncü yerdə İsveç və Cənubi Koreya pasportları (157 ölkə) gəlir.
ABŞ pasportu ilə 154 ölkəyə vizasız giriş hüququ var.
Novator.az bildirir ki, Litva və Latviya pasportları 149, Estoniya pasportu 148, Ukrayna pasportu 120, Moldova pasportu 105, Belarus və Qazaxıstan pasportları 71, Qırğızıstan pasportu 58, Özbəkistan və Tacikistan pasportları 54, Türkmənistan pasportu 48 ölkədə vizasız işləyir.
Siyahının sonunda Əfqanıstan gəlir. Bu ölkənin pasportu ilə 22 ölkəyə vizasız getmək olar.
