Türkiyədə yeni partiya, yeni lider
Oktyabrın 25-i Türkiyədə yeni siyasi partiya elan olunub. İyi Parti (Yaxşı Partiya) adlı quruma Maral Akşener sədrlik edəcək.
Novator.az bildirir ki, Maral Akşener 1956-cı il iyulun 18-i İzmitin Gündoğdu kəndində anadan olub. 1979-cu ildə İstanbul Universitetinin ədəbiyyat fakültəsinin tarix şöbəsini bitirib. Mərmərə Universitetinin Sosial Elmlər İnstitutunda doktorantura təhsili alıb.
İstanbul Universitetində, Yıldız Texniki Universitetində, Qocaeli və Mərmərə universitetlərində dərs deyib.
1995-2001-ci illərdə Doğru Yol Partiyasının, 2001-2016-cı illərdə Milliyyətçi Hərəkat Partiyasının üzvü olub.
1995, 1999-cu illərdə Doğru Yol Partiyasından, 2007, 2011-ci illərdə Milliyyətçi Hərəkat Partiyasından Türkiyə Böyük Millət Məclisinin üzvü seçilib.
2015-ci ilin iyun ayında Maral Akşener yenidən Türkiyə Böyük Millət Məclisinin deputatı olub. Həmin parlament tez buraxılıb, Milliyyətçi Hərəkat Partiyası noyabrda keçirilən növbədənkənar seçkidə onu namizəd verməyib.
Maral Akşener evlidir, Fatih adlı bir oğlu var.
