Qırğızıstanda yeni spiker
Oktyabrın 25-də Qırğızıstan parlamentinə yeni sədr seçilib. Novator.az-ın məlumatına görə, parlamentin 120 üzvündən 80-ni deputat Dastan Cumabekovun namizədliyini dəstəkləyib.
Qırğızıstan Partiyasının üzvü olan 41 yaşlı Dastan Cumabekovun namizədliyini hakim koalisiya irəli sürüb.
Müxalif Tərəqqi Partiyasından İsxak Masaliyev 32 səs alıb.
Parlamentin əvvəlki sədri, sosial demokrat Çınıbay Tursunbekov oktyabrın 25-də istefa verib. O, 2016-cı ilin aprel ayından spiker postunu tuturdu.
Qırğızıstanda baş nazirin rəhbərlik etdiyi hökumət ali icraedici orqandır. Hökuməti Sosial Demokrat, Qırğızıstan və Bir Bol partiyalarının parlament fraksiyaları qurub.
Səidə Hüseynova
