Qırğızıstan parlamentinin sədri istefa verdi
Qırğızıstan parlamentinin sədri Çınıbay Tursunbekov oktyabrın 25-də istefa verib. Novator.az-ın məlumatına görə, parlament iclasındakı çıxışında Çınıbay Tursunbekov deyib ki, bütün fəaliyyəti qanunçuluq prinsiplərinə əsaslanıb və postunu prezident seçkisində artan hərarəti aşağı salmaq üçün tərk edir.
Hakim Sosial Demokrat Partiyasının liderlərindən olan Çınıbay Tursunbekov 2016-cı ilin aprel ayından spiker postunu tutur.
Qırğızıstanda oktyabrın 15-də keçirilmiş prezident seçkisində Sosial Demokrat Partiyasının namizədi, sabiq baş nazir Sooronbay Jeenbekov qalib gəlib. Müxalifət nəticələrdən narazıdır və ölkədə müəyyən gərginlik yaşanır.
Səidə Hüseynova
