Gəncədən turizm açıqlaması
Bu ilin 9 ayı ərzində Gəncə şəhərinə 22 min 927 yerli turist gəlib. Xarici ölkələrdən gələn qonaq və turistlərin sayı isə 7 min 800 nəfər olub.
Gəncə Şəhər İcra Hakimiyyətindən AZƏRTAC-a bildirilib ki, yerli turist və qonaqların sayı ötən ilin müvafiq dövrü ilə müqayisədə 3 min 120 nəfər, xaricilərin sayı isə 1050 nəfər artıb.
Novator.az xatırladır ki, Turizm Şurasının son açıqlamasına görə, bu ilin yanvar-sentyabr aylarında Azərbaycana gələn xarici turistlərin sayı ötən ilin 9 ayı ilə müqayisədə 20,9 faiz çoxalıb. 9 ayda Azərbaycana 2 milyon 71 min 918 nəfər xarici turistin səfər etdiyi bildirilir.
